Қарасу ауданы Карамырза ауылында қарғын су қаупі жойылып, елді мекен тұрғындары үйлеріне оралды. Бұл туралы облыстық ТЖД Қоғаммен байланыс тобының өкілдері хабарлайды.
7 сәуір, сағат 07:00-дегі жағдай бойынша, Қарамырза ауылында қар суы жайлаған барлық 35 үй мен аула аумағы құрғатылды. Қауіпсіз жерге көшірілген ауыл тұрғындары үйлеріне орала бастады.
«Бүгін су басу аймағында қалған 2 тұрғын үйден және 9 аула аумағынан еріген қар суын сору жұмыстары аяқталды. ТЖД күштері мен құралдары Қостанай қаласына қайтарылады. Ауылдың су тасқыны қаупі толығымен жойылды», — делінеді департамент хабарламасында.
Фото: облыстық ТЖД баспасөз қызметі