Премьер—Министр Олжас Бектеновтың төрағалығымен өткен Үкімет отырысында Президент Қасым—Жомарт Тоқаев белгілеген даму басымдықтары бойынша «Қазақстан жаңғыртудың жаңа кезеңіне енді» атты бағдарламалық сұхбатында жұмыс жоспарларын қарады.
«Президент бізге экономикалық дамудың ағымдағы нәтижелерін сақтап қана қоймай, ұзақ мерзімді нәтижеге баса назар аудара отырып, серпінді арттыру міндетін қойып отыр. Бұл барлық салаларға, соның ішінде энергетика, ТКШ, көлік инфрақұрылымы, инвестициялар тарту, АӨК дамыту, туризм салаларына қатысты«, — деп атап өтті Олжас Бектенов.
Сондай-ақ қолданыстағы теңгерімсіздіктерді теңестіре отырып, «бақылаудан серіктестікке« қағидаты бойынша фискалдық саясатты қайта жүктеу қажеттігі атап өтілді. Энергетикалық және коммуналдық секторларда қабылданған тәсілдерді уақтылы және сапалы енгізуге баса назар аударылды.
«Әділ тариф белгілеу оларды жүзеге асыру үшін қажетті қадам болып табылады. Мемлекет өз кезегінде мұқтаж жандарға атаулы қолдау көрсетеді«, – деді Олжас Бектенов.
Ұлттық экономика министрлігіне мүдделі мемлекеттік органдармен бірлесіп ТКШ жаңғырту жөніндегі ұлттық жобаны іске асыруға кірісу тапсырылды.