Сыбайлас жемқорлыққа қарсы іс-қимыл агенттігінің Қостанай облысы департаменті өңірдің «созылмалы құрылыстарына» мониторинг жүргізу жұмыстарын жалғастырып жатыр. Басты мақсат — құрылысты логикалық аяқталуға жеткізу.
Мысалы, жақында Қонай шағын ауданында екі тұрғын үйдің құрылыс-монтаждау жұмыстары аяқталды. Қазіргі уақытта олар бойынша нысандарды қабылдау рәсімдері жүріп жатыр.
Сол сияқты Рудный қаласында екі тұрғын үйдің құрылысына қоғамдық бақылау жүргізілуде.
Ведомство басшысы Бауыржан Ұзынжастың айтуынша, қазіргі уақытта Сыбайлас жемқорлыққа қарсы қызметтің ерекше бақылауында — құрылысы 5 жыл бойы аяқталмай тұрған Қостанай облыстық балалар ауруханасының күрделі жөндеуі проблемасы ұсталып отыр.
Антикор облыс әкімдігі мен Денсаулық сақтау басқармасына бірнеше рет ұйымдастырушылық-тәжірибелік шаралар қабылдау туралы ұсынымдар енгізілді.
Сонымен қатар осы жылғы 19 ақпанда аурухананы ұзақ жөндеуге рұқсат беру тұрғысында жұмыс кеңесі өткізілді.
Белгілі болғандай, бүгінде нысан Құрылыс, сәулет және қала құрылысы басқармасының ведомстволық балансына берілді. Ақаулы актілер жасалды, нысанды аяқтау бойынша жобалау-сметалық құжаттама әзірлеу жұмыстары жүргізілуде.
Антикор мен қоғам белсенділері аталған нысандарға сүйемел жасауды құрылыс аяқталғанға дейін және оларды пайдалануға бергенге дейін жалғастырады.