Қазақстанның энергетика министрі Алмасадам Сәтқалиев Үкімет отырысында су тасқынынан зардап шеккен өңірлерде электрмен жабдықтауды қалпына келтіру барысы туралы баяндады.
Минстрдің айтуынша, Қостанай облысында электр желілерінен ажыратылған абоненттер саны 5 мыңнан 700-ге дейін қысқарған. Ақтөбе облысында бұл көрсеткіш 5,5 мыңнан 13 абонентке дейін азайып отыр. Батыс Қазақстан және Ақмола облыстарында шектеулер қойылған абоненттер саны 4 есеге, ал Атырау облысында 3 есеге түскен.
Солтүстік Қазақстан облысы бойынша авариялық-қалпына келтіру жұмыстары жүргізілуде.
“Қалған 5 мың абонентті электрмен жабдықтау су деңгейі төмендегеннен кейін қалпына келтіріледі. Төтенше жағдайды жоюға 9 000-нан астам энергетик мамандары, 2 145 арнайы автотехника қатысып жатыр. Электр энергиясының 414 мобильді көзі бар. Алдағы кезеңде кернеудің әртүрлі кластарындағы 3000-нан астам электр желілерінің тіректерін қалпына келтіру қажет. Ол үшін барлық қажетті материалдар дайын.”, – деп атап өтті министр.