Қостанай қаласында және бірнеше ауданда екінші ауысымдағы сабақтар онлайн форматқа көшірілді.
Бүгін 21 қаңтарда ақтүтек боранға байланысты, Қостанай мектептерінде екінші ауысымдағы сабақтар қашықтан оқыту форматына ауыстырылды.
Сондай-ақ облыстық Білім басқармасының хабарлауынша, Меңдіқара ауданы Соснов жалпы білім беретін мектебінің барлық сыныбы, Рудный және Лисаков қалаларындағы барлық сынып онлайн оқиды. Жітіқара және Қарасу аудандарындағы мектептердің 0-11 сыныптарының екінші ауысым оқушылары, Амангелді және Жанкелдин аудандарында бастауыш сыныптар да күн райы қалпына келгенше үйде отырып оқиды.