Черногорияның орталық қорғаушысы Неманья Цавнич «Тобылмен» келісім-шартқа қол қойды.
Неманья кәсіби мансабын Черногорияның «Зета» құрамында бастады. 2018 жылы Цавнич Данияға қоныс аударды, онда ол бірінші лиганың «Фремад Амагер» және «ХБ Кеге» клубтарында доп тепті.
2024 жылдың ақпанында ол босниялық «Железничар» клубына ауысты. Босния мен Герцеговина Премьер-лигасында бір жыл ішінде ол команданың негізгі ойыншысына айналды.
Цавнич мансабында барлығы 330-дан астам матч өткізіп, 8 гол соқты. Ол Черногория жастар құрамасына шақырту алған.