Облыс әкімі Құмар Ақсақалов мемлекеттік қызметшілерді кәсіби мерекемен құттықтады.
«Мемлекеттік қызмет — бұл жай ғана мамандық емес. Бұл – қоғам алдындағы үлкен жауапкершілік, еліміздің тұрақты дамуы мен азаматтарымыздың өмір сүру сапасын арттыру жолындағы күнделікті еңбек», – деді облыс әкімі.
Сондай-ақ ол мемлекеттік қызметшінің кәсібилігі мен қоғаммен ашық диалог жүргізуі – халық сенімінің артуына және жүзеге асырылып жатқан реформалардың табысты болуына тікелей әсер ететінін атап өтті.
Құмар Ақсақалов тиімді және нәтижеге бағытталған мемлекеттік аппарат қалыптастыру – Мемлекет басшысының басты міндеттерінің бірі екенін атап өтіп, бұл бағыттағы жұмыстар өңірде жалғасатынын жеткізді.
Мемлекеттік қызметшілерге зор денсаулық, шыдамдылық, жігер және Отан игілігі жолындағы еңбектеріне табыс тіледі.