Халықаралық қарттар күніне орай «Жастар сарайында» мәдениет саласының ардагерлерімен кездесу өтті.
Кездесуге облыс әкімінің орынбасары Ринат Мұхаметқали және мәдениет басқармасының басшысы Құралбек Атамұратов қатысты.
– Тобыл-Торғай өңірінің мәдениетіне, руханиятына үлес қосқан ардагерлерді құрметтеу басты парыз. Олай дейтініміз, олардың елдің дамуына, өнердің өркендеуіне қосқан үлестері шексіз. Бүгін кездесуміздегі басты мақсатымыз – аға буын өкілдеріне құрмет көрсетіп, қадірлеу, – дейді Ринат Зәкиұлы.
Іс-шараға қатысқан қатысушыларға арнайы естелік сыйлықтар табысталды.
Б. Мейрамұлы