21 сәуірінде Л.Н.Толстой атындағы Қостанай облыстық әмбебап ғылыми кітапханасы барлық тілек білдірушілер үшін әдеттен тыс жұмыс күнін ұйымдастырады.
Ұйымдастырушылардың айтуынша, кітапхана қонақтары оқырмандар үшін жабық қорлар мен қоймаларда болып, түрлі квесттер мен викториналарда өз бақтарын сынап, тренингке немесе пікірталасқа қатыса алады. Дәрістер мен шеберлік сыныптарында жаңа білім мен дағдыларды игере алады. Ал ең белсенділері үшін зияткерлік ойындарға қатысып, ғылыми тәжірибе жасап көруге мүмкіндік алады. Сонымен қатар әуесқой әдебиетшілердің әдеби-музыкалық кешін тыңдап, караокеде ән айтуға мүмкіндік бар.
«Кітапхана түні – 2023» іргелі ғылымдар тақырыбына арналып отыр. Сондықтан келушілерді тек ойын-сауық қана емес, көптеген ғылыми-танымдық іс-шаралар да күтіп тұр. Ғылыми білім мен техникалық шығармашылықты, ғылыми және ғылыми-көпшілік әдебиетті насихаттайтын бірнеше алаң бір мезгілде жұмыс істейтін болады. Әрбір келуші өзінің жанына жақын қызықты іс-шараны таба алады. Ешкімге көңілсіз болмайды”, – дейді кітапхана ұжымы.
Бағдарламасы бай «Кітапхана түні – 2023» іс-шарасының ұсынар қызығы жылдағыдан көбірек болғалы отыр.