Құрметті оқырмандар! Облыстық «Қостанай таңы» газеті 9 мамыр – Жеңіс күніне арнап, тағы бір тамаша байқау жариялағалы отыр. «Ерлікке тағзым» деп аталатын жоба аясында эссе жазудан жарыс өткізбекпіз. Жеңімпаздарға тағайындап отырған бағалы сыйлықтарымыз бар!
Байқаудың ережесі мен талаптары:
– Облыстық эссе байқауына оқушылар, студенттер және одан ересек адамдар қатыса алады;
– Осы үш санат бойынша бір жеңімпаздан анықталады;
– Барлығына мынадай үш еркін тақырып беріледі:
- Менің атам майдангер
- Ауылдасым – ардақты ардагер
- Мен естіген естелік
Үміткерлер осы тақырыптардың біреуін ғана таңдауы керек.
– Эссе көлемі бір компьютер бетінен аспауы шарт. Шрифт – Times New Roman, көлемі 12 болуы тиіс;
– Автор материалдармен бірге өзі туралы деректерді қоса жіберуі тиіс (аты-жөні, сапалы суреті, байланыс нөмірі, қызмет/оқу орны).
Материалдар 1 сәуір мен 5 мамыр аралығында 8 771 213 72 02 WhatsApp нөмірі арқылы қабылданады. Сондай-ақ, Kt-fan@mail.ru электронды почтасына «Ерлікке тағзым» байқауына» деген таңбамен жолдай аласыздар. Талапқа сай келетін эсселердің бәрі ресми сайтымызда, «Инстаграмда» және ең үздіктері газетке жарияланады.
Қатысыңыздар, жүзден жүйрік шығып, жүлдегер атаныңыздар!