Қазақстан Республикасының Оқу-ағарту министрлігінің бірінші вице-министрі Наталья Жұмаділдаева су тасқынынан зардап шеккен Қызылжұлдыз, Екідің ауылдарының балалары білім алып жатқан қаладағы М. Әуезов атындағы №5 жалпы білім беретін мектебіне барып, оқушылармен, педагогтермен кездесті.
Су тасқынынан зардап шеккен елді мекендердің көбінде әлі электр жарығы жоқ. Осы олқылықтарды қалпына келтіруге облыстық жедел штаб жіті назарға алды.
Бүгін Қостанай қоймасы Қарағанды жұртынан жеткен гуманитарлық жәрдеммен толыға түсті. Көл-көсір көмекті сол облыстағы Қазақстан халқы Ассамблеясы өкілдері жеткізіп беріп отыр.
Бүгін Қостанай, Рудный және Лисаков қалаларынан 10 самосвал, 9 тиегіш және 1 экскаватор жіберілді.
Бүгін Жанкелдин ауданының төтенше жағдайлар бөлімі Жаркөл ауылдық округіне қарасты Тәуіш ауылы маңындағы тасқынға қарсы күресті күшейте түсті. Су бұзып кеткен жол учаскелеріне арнаулы бригада жұмылдырылып, тағы бір КамАЗ көмекке жіберілген. Бұл жөнінде сол жерде жүрген аудан әкімінің орынбасары Еренбол Алматов баяндап берді.
Жанкелдин ауданы Тәуіш ауылы маңынан өтетін тас жолды тасқын су екі жерден бұзып кетті. Қазір ауылдың не Торғайға, не Арқалық жағына шығатын мүмкіндігі жоқ.
Бүгінде тасқан судан зардап шеккен халық пен бизнеске көмек көрсету мәселесі Кәсіпкерлер палатасының Өңірлік кеңесінің басты күн тәртібіне айналды. Облыс әкімінің орынбасары Ринат Мұхаметқалидің қатысуымен өткен кеңес отырысында өңірдегі төтенше жағдай салдарынан зардап шеккендерге гуманитарлық көмек көрсету мәселесі қаралды.
Жітіқара ауданында су тасқыны кезінде он үйді су басқан. Зардап шеккен үйдің жетеуі аудан орталығында болса, қалған үш үй Забелов ауылында орналасқан.
Қарғын су Сарыкөл ауданын да аз әуреге түсірген жоқ. Әсіресе, Севастополь ауылдық округінің халқын үрейге салды. Алайда алдын алу шараларына ел болып жұмылудың арқасында қауіптің беті ары қараған.
Қазіргі уақытта Жоғарғы Тобыл су қоймасы 92%, Қаратомар су қоймасы 91% (Желқуар су қоймасы 100%) толды. Соңғы бес жыл ішінде барлық су қоймалары тек жартысына ғана жетіп келген.
