Меңдіқара ауданының Степанов және Архипов ауылдарында да су тасқынына қарсы іс-шаралар қарқынды жүргізіліп жатыр. Еріген су жақын маңдағы егіс алқаптарынан келу үстінде. Аталған қос ауылдың маңындағы ойпаң жерлерді су басқан.

Науырзым ауданы Буревестник ауылының үшінші бөгетінде су арнасынан асып, жеті үй су астында қалды.

Жыланшық өзенінің Тосынға құятын тұсында терең құлақша бар. Ағыс күшейсе, қарғын су сонда жиналып, Ақшығанақ ауылына қауіп төндіруі мүмкін.

Арқалық қаласы әкімдігінің есебі бойынша 3 сәуірге текті көктемгі су тасқынынан қауіп төнген ауылдардан барлығы 301 адам қауіпсіз жерге шығарылды. Эвакопункттарға 124 адам орналастырылды. Әзірге эвакуациялау бойынша шағым түскен жоқ.

Бүгін түстен кейін ауа райының күрт жылынуынан “Қарабұтақ-Комсомол-Денисов-Рудный-Қостанай” тас жолының 254 шақырымына жақын маңда су тасыды.

Премьер-министрдің орынбасары Қанат Бозымбаевтың зардап шеккен аймақтарға ұшу сапары барысында орасан көлемдегі су басқан жерлер кадрға ілінген.

Қостанай облысында екінші апта табиғи апатқа қарсы күрес жалғасып жатыр. Үйлер су астында қалды, адамдар эвакуацияланды, мүлікке зиян келтірілді. Алайда, жергілікті тұрғындардың үйлесімді әрекеті табиғи апатқа  қамал алғызбайтынын дәлелдеді.

“Қазгидромет” мамандарының деректері бойынша, жуырда ауа  температурасы +20 градусқа дейін көтеріледі. Мамандар алда жаңбыр жауады деп болжап отыр.

Елімізде орын алған су басу апаты Арқалық өңір үшін де сынақ болды. Су тасқынынан зардап шеккен «Қызылжұлдыз», «Екідің» ауылының тұрғындары қауіпсіз жерлерге дер кезінде  көшірілді.

Бұл туралы облыстық төтенше жағдайлар департаментінің басшысы Қайрат Қасым баяндады.