Жалпы, елімізде өрт қауіпсіздігін сақтау 10 баллмен есептелсе, біздің облыс 7,9 баллға ие. Өңірде орман өртінің 70% — і бейнекамералар арқылы анықталады. Былтыр осындай 34 камера сатып алынды. Бұл туралы облыстық табиғи ресурстар және табиғат пайдалануды реттеу басқармасының басшысы Нұрлан Қатарбеков айтты.
Біріншіден, жоғары сұранысқа ие мемлекеттік нөмірлерді қайта алу жеңілдетілді. Егер сіз басқа аймаққа көшкен болсаңыз, онда алдыңғы аймақта алынған жоғары сұранысқа ие нөмірді өзіңізде қалдыра аласыз. Сонымен қатар дәл осындай нөмірлерді жақын туыстарыңызға, яғни ата-анаңызға, бауырларыңызға, балаларыңыз немесе жұбайыңызға қайта рәсімдей аласыз.
ХХ ғасырдың бірінші ширегінде еліміздің әлеуметтік-экономикалық өмірінде қазақ қоғамының дәстүрлі жүйесін бұзу, байлардың, кулактардың мүлкін тәркілеу, ауыл шаруашылығын ұжымдастыру сияқты көптеген оқиғалар мен тарихи өзгерістер болды. Экономикалық реформалар мен басқа да өзгерістер 1929-1931 жылдардағы халық көтерілістеріне ұласты, 80 мыңға жуық адам қатысты. Биыл Қостанай округіндегі Батпаққара көтерілісіне 95 жыл толады.
Елордада Қазақстан халқы Ассамблеясының XXXIIІ сессиясы өтті. Биылғы тақырып – «Бірлік. Жасампаздық. Өрлеу». Жиынға Парламент Сенатына ҚХА қатарынан сайланған депутаттар, республикалық этномәдени бірлестіктердің жетекшілері мен мүшелері, Ассамблеяның еріктілері, сондай-ақ бейнебайланыс арқылы ұйымның өңірлердегі делегаттары қатысты. Олардың қатарында жерлесіміз Екатерина Гедзур да бар.
Қазір тәуелсіз ел болдық. Қолымыз көп нәрсеге жетіп, рухани құндылықтарды сақтап қалу жолында күресіп жатқанымызға отыз жылдан астам уақыт өткен екен. Содан бері тарихшыларымыз не тындырды? Келешекке қалдырар көрнекті дүние жасай алды ма? Осы жайында Қостанайға келген белгілі академик, тарихшы Ханкелді Әбжановпен сұқбаттасудың орайы келген еді.
Облыстың су тасқынынан зардап шеккен оңтүстік өңірлерінде жүз қаралы тұрғын үй салынбақ. Баспана құрылысына еліміздегі ірі компаниялар да үлес қосуды жоспарлап отыр. Тұрғындарға пәтер алып беруге үкімет тарапынан да қаржы бөлу көзделген. Атқарылатын жұмыстардан жұртшылықты хабардар ету жұмыстары да белсенді жүргізіп жатыр. Облыстық басқарма өкілдері мен облыстық штаб басшылығы баспасөз мәслихатында осы жөнінде мәлімет берді.
Президент қазіргі алапат тасқын да, түптеп келгенде, елімізге оң әсерін тигізетінін айтты. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам баспақ.
Оның арнайы техникасының, тікұшақтары мен ұшақтарының саны көбейтіліп, Ұлттық гидрогеология қызметі қайта құрылмақ. Бұл қызмет жер асты су ресурстарын барлау және қорғау жұмысымен айналысатын болады.
Президент еліміздің бірқатар өңірінде су тасқыны салдарынан қалыптасқан күрделі жағдайды ескере отырып, биылғы сессияны онлайн-форматта өткізу туралы шешім қабылдаған болатын.
Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Астанаға ресми сапармен келген Ұлыбритания және Солтүстік Ирландия Құрама Корольдігінің Сыртқы істер, Достастық және халықаралық даму министрі Дэвид Кэмеронмен келіссөздер өткізді.
