Бүгін, 23 мамырда Астана тұрғындары мен қонақтары «Ұлы дала жорығы» көпкүндік марафон-бәйгесінің жеңімпаздарын салтанатты түрде марапаттау рәсіміне куә бола алады. Салтанатты іс-шара сағат 19:00-де Көкшетаудан қалаға кіреберістегі экопосттың жанында орналасқан «Құлагер» монументінде өтеді.
Ат спорты әуесқойлары мен еліміздің әр өңірлерінің өкілдерін біріктіретін спорт әлеміндегі ерекше оқиға қазақтың көрнекті геолог-ғалымы Қаныш Сәтбаевтың 125 жылдығына арналып отыр.
Биыл жол қашықтығы 500 шақырым, бағыт Павлодар, Ақмола облыстарын қамтыды.
Жарыста жеңімпаз атанған командаға 15 млн теңге, екінші орынға 10 млн теңге, 3 орынға 5 млн теңге беріледі.
Сонымен қатар, жүлдегерлер 5-ші Дүниежүзілік көшпенділер ойындары алдында 3-7 қыркүйек аралығында өтетін халықаралық марафон-бәйгеге қатысуға лицензия ұтып алады. Халықаралық кезеңге шет мемлекеттерден кемінде 10 команда қатысады деп отыр (Түркия, Сауд Арабиясы, Моңғолия, Венгрия, Түрікменстан, Иран, Өзбекстан және т.б.).
Кеше түндегі төртінші кезең қорытындысы бойынша Жетісу облысының командасы жеңімпаз атанды. Маңғыстау облысының шабандоздары мәре сызығына екінші болып жетсе, Алматы қаласының командасы үштікке ілікті. Қостанай облысының құрамасы жалпы есепте бесіншіден алтыншы орынға сырғыды.
100 км:
- Жетісу облысы – 07:20:07
- Маңғыстау облысы – 07:20:34
- Алматы қаласы – 07:28:46
- Жамбыл облысы – 07:29:12
- Астана қаласы – 07:34:25
- Қарағанды облысы – 08:04:49
- СҚО – 09:03:49
- Ұлытау облысы – 09:10:22
- Қостанай облысы – 09:52:36
- Абай облысы – 09:53:05
- Ақмола облысы – 10:08:18
- Түркістан облысы – 10:43:22
- «Рекорд» командасы.
400 км: ЖАЛПЫ НӘТИЖЕ
- Жетісу облысы – 27:01:13
- Маңғыстау облысы –27:33:50
- Алматы қаласы – 28:00:24
- Жамбыл облысы – 29:13:59
- Астана қаласы – 30:43:01
- Қостанай облысы – 31:41:31
- Қарағанды облысы – 31:54:12
- СҚО – 34:12:56
- Ақмола облысы – 34:29:41
- Абай облысы – 36:22:21
- Түркістан облысы – 37:10:06
- Ұлытау облысы – 37:23:37
- «Рекорд» командасы.
Ақпаратты ұсынған – «Ұлы дала жорығының» ұйымдастыру комитеті