Тобыл өзенінің ернеуінен көтеріліп, жан-жағындағы шағын елді мекендерді су басып жатыр.
Бүгін Мичурин ауылындағы 9 үйдің ауласы көлге айналғаны туралы ақпарат келіп түсті.
Елді мекенінің 75 адамы қауіпсіз жерлерге көшірілген.
Оның 13-і — балалар.
14 үйдің 90 бас малы аман қалды.
«Әлі де көмекке мұқтаж отбасылар бар. Бірақ көбі үйлерін қимай, эвакуациядан бас тартып жатыр. Ақпараттық-түсіндіру жұмыстары су келгенге дейін жүргізілді. Әлі жалғастыратын боламыз. Бізге еліміздің әр адамының өмірі қымбат», – дейді Қостанай ауданы әкімінің баспасөз қызметінен.