Бүгін Президент Қасым-Жомарт Кемелұлы Тоқаев Жолдауында бізді, Торғай аймағына ерекше толғандырып жүрген мәселелерге арнайы тоқталды.
Торғай аймағының әлеуметтік-экономикалық дамуы Үкіметтің басты назарында болатынын Мемлекет басшысы нақты айтты. Бұл – халқымыздың болашағына деген сенімді күшейтетін қуанышты хабар.
Сондай-ақ Арқалық әуежайының қайта іске қосылатынын жария етті. Бұл – көп жылдан бері күткен тарихи шешім. Торғай даласы үшін әуежайдың ашылуы халыққа қолайлы жағдай жасап қана қоймай, аймақтың дамуына тың серпін береді.
Ел Президентінің Жолдауында осындай мәселелердің жоғары мінберде айтылуы – Тобыл-Торғай өңіріне деген ерекше көңіл бөлінгенінің айғағы.
Біз, қоғамдық кеңес мүшелері, осы бастамалардың толық жүзеге асуына қолдау көрсетіп, бірге атсалысамыз!
Айбек Таңатбаев,
облыстық Қоғамдық кеңестің мүшесі