ҚР Цифрлық даму, инновациялар және аэроғарыш министрлігі, Astana Hub, А.Байтұрсынұлы атындағы Қостанай өңірлік университеті және басқа да ірі ұйымдар ұйымдастырған бұл байқаудың 500 мың теңге көлеміндегі сыйақысын Қостанайдағы Назарбаев Зияткерлік мектебінің TabQorTech командасы жеңіп алды.
TabQorTech командасының “TQ-Drone” жобасы арқылы ормандарды кесу мәселесін көтеріп, оны шешу жолын ұсынды.
Мәселен дрон қол еңбегін ауыстыруға мүмкіндік береді, ағаш отырғызу және күту шығындары мен уақытын азайтады. Жобаның жаңашылдығы осында болып отыр. Команда мүшелері дрон көміртегі ізін қалдырмайды ұстанымды да алға тартты.
Осы байқауда НЗМ оқушыларының “Dream Toy” жобасы үшінші орын алып, 200 000 теңге сыйақы ұтып алды. Бұл жоба арқылы қайта өңделген темекі сүзгілерінен ойыншық жасап шығарылды. Тазартылған және қауіпсіз материалдар жұмсақ ойыншық жасауға мүмкіндік береді. Бұл қалдықтарды азайтуға және бірегей, экологиялық таза ойыншықтар жасауға ықпал етеді.