Құқықтық тетіктерді жетілдіруге және креативті экономикаға инвестиция тартуға бағытталған заң жобасы әзірленді. Тауар таңбаларын тіркеуді жеделдету, көру қабілеті бұзылған адамдарға жағдайды жақсарту енгізілді.
«Зияткерлік меншік және бизнес құқығы» бірлескен магистрлік бағдарламасы іске қосылды. Digital Justice бағдарламасы шеңберінде атқарушылық іс жүргізуді автоматтандыру және заңды тұлғаларды тіркеу жобалары іске асырылды. Коммерциялық емес ұйымдарды тіркеу енді «Электронды үкімет» порталында толық қолжетімді. eGovMobile Business арқылы онлайн сенімхаттар қызметі іске қосылды. SMS және eGov-mobile push-хабарламалары арқылы азаматтарды хабардар етудің пилоттық жобасы алаяқтықпен күресуге көмектеседі.