Астана қаласында республикалық тарих олимпиадасы дүниежүзі тарихы пәні бойынша ағылшын тілінде өтті.
Финал қорытындысы бойынша 2025 жылы жаз айында Париж қаласында өтетін олимпиадаға 6 оқушы іріктеп алынды, оның 3-уі Қостанай Назарбаев зияткерлік мектебінің оқушылары.
Осы мектептің 9 C сынып оқушысы Даниал Клышев 3 орын (жетекшісі Қазақстан тарихы пәні мұғалімі Дамир Исиргепов), 10 В сынып оқушысы Айдос Әмірғали 2 орын ( жетекшісі дүниежүзі тарихы пәні мұғалімі Айман Боранбайқызы ), 11 D сынып оқушысы Дмитрий Горжанов 2 орын (жетекшісі дүниежүзі тарихы пәні мұғалімі Айгерім Хайдарова) алып, келер жылғы халықаралық олимпиада жолдамасына ие болды.
Негізінен бұл олимпиада үш кезеңнен тұрды. Бұған дейін оқушылар қашықтықтан өздері олимпиадаға қатысты, кейін екінші Қостанай қаласы НЗМ базасында өтті.
“Үшінші ақтық кезең Астана қаласында болды. Жалпы бұл олимпиадаға еліміз бойынша 1400 оқушы қатысты. Бірақ ақтық мәреге 30 оқушы қатысты, оның 12-сі біздің мектептің оқушылары”, – дейді олимпиаданың күміс жүлдегері Айдос Әмірғали.