Жыл сайын оқу жылы аяқталғаннан кейін балалар жазғы лагерлерге асығады. Қуанышқа толы көңілді жаздың ұмытылмас естеліктері жазғы ашық алаңда басталады. А.Байтұрсын- ов атындағы бастауыш гимназия жанынан құрылған «Жауқазын» сауықтыру алаңқайының басшысы Васецкая Любовь Евгениевна және үйірме жетекшілерінің ұйымдастыруымен «Жауқазын» сауықтыру алаңқайының ашылуы 3 маусым күні өткізілді. Жазғы алаңның басты мақсаты – балалардың бос уақытын тиімді ұйымдастыру және таланттарын анықтау, балалардың шығармашылық қабілеттерін жан-жақты бағытта дамыту. «Жауқазын» алаңқайының I ауысымының ашылу салтанатына орай іс-шара балаларға қызықты, мерекелік көңіл-күймен өткізілді. Іс-шараны өткізу барысында балалар өз өнерлерін көрсетті: ән айтты, домбыра тартты, би биледі. Сонымен қатар оқушылардың жас ерекшеліктерін ескере отырып интеллектуалды және қозғалыс ойындары өткізілді. Балалардың ойындар мен сайыстарда көрсеткен белсенділіктері үшін тәтті сыйлықтар берілді.
Жазғы алаңның шығармашылық жұмыс- тары әр баланың талантын ашуға және дамытуға көмектеседі және достарымен бірге сүйікті ісімен айналысуға мүмкіндік береді. Мұның бәрі балалардың қызығушылығы мен шығармашылық қабілеттерін дамытуға ықпал етеді, оларға зерттеулер мен белсенді танымдық іс-шараларға қатысуға мүмкіндік беріледі.
Айткүл ҚОҢҚАБАЕВА,
А. Байтұрсынов атындағы бастауыш гимназиясының «Жас эколог» үйірме жетекшісі.
Арқалық қаласы
