Қостанай қаласында өңірлік ауыл балалары арасында волейбол, баскетбол, шахмат, бокс, еркін күрес спорт түрлерінен лига өткен болатын.
Аталған лигаға Жанкелдин аудандық балалар-жасөспірімдер спорт мектебінен волейбол және бокс спорт түрлерінен балалар қатысып жақсы нәтиже көрсетті.
Волейболдан ер балалар арасында 8 команда бақ сынап, Жанкелдин аудандық балалар-жасөспірімдер спорт мектебінің командасы командалық І- орынға ие болды. Қыз балалар ІІ-орынға ие болды. Ер балалар Алматы қаласында өтетен «AUYL SPORT-2024» өңірлік ауыл балалары арасындағы Республикалық лигасына қатысады.
Бокстан Нүрәділ Жұмақан І-орын 57 келіде топ жарды. Азамат Айдар 40 келіде, Мадияр Қанатұлы 43 келіде, Айқын Дүйсенбай 46 келіде, Ерасыл Бекет 52 келіде ІІІ-орын алды.