Интернат ұйымдарының 24 тәрбиеленушісіне облыс әкімдігі, Жастар ресурстық орталығы мен «Allur» компаниясы жаңа жылдық мереке ұйымдастырды.
Балалар таяуда ғана ашылған «IQOSTANAY» оқушылар сарайындағы интерактивті экскурсияда болып қайтты, олар әртүрлі салаларда: робототехника және қыш-құмыра кәсібінде, киберспорт залы мен виртуалды студияда өз білім мен қабілеттерін байқап көрді.
Балалар кешкі Қостанайды аралап, жарқын және ұмытылмайтын әсерге бөленді. Балалар отырған «Allur» компаниясының мерекелік безендірілген 8 автомобиль кортежі облыс орталығының ең көрікті жерлерін аралап шықты.
Қала орталығында қойылған жаңа жыл шыршасы алдында Аяз Ата мен Ақшақармен кездесу, қызықты қойылым мен тәтті сыйлықтар мерекенің сәнін келтірді.