Қазақстанда осы саланы қоғамдық маңызы бар нарықтарға жатқыза отырып, ұялы байланыс қызметтерінің бағаларын мемлекеттік реттеуді енгізу ұсынылады. Бұл туралы жақында Ашық НҚА сайтында пайда болған “бәсекелестік мәселелері бойынша кейбір заңнамалық актілерге өзгерістер мен толықтырулар енгізу туралы” құжатта айтылған деп хабарлады ҚазАқпарат.
Құжатта айтылғандай, бүгінде Қазақстанда ұялы байланыс операторлары арасындағы клиент үшін бәсекелестіктің төмендеуі байқалады. Бұл ретте халықтың бағаны көтеруге, тұтынушыларға талап етілмеген қызметтерді жүктеуге, сондай-ақ байланыс және интернет қызметтерінің сапасына шағымдары жиілеп кетті.