Қазақстан Республикасы Ұлттық ұланы «Орталық» өңірлік қолбасшылығына қарасты 6697 әскери бөлімінде Ұлттық ұланның 33 жылдығы атап өтілді.
Аталмыш іс-шара барысында, әскери бөлімнің клубында мерекелік концерт ұйымдастырылды.
Қызмет барысында өздерін үздік деп танытқан әскери қызметшілерге арнайы марапаттар табысталды.
“Бұл мереке Ұлттық ұланның әрбір әскери қызметкері үшін айтулы мерекелердің бірі. Себебі, еліміздің қалқаны болып жүрген ұландықтар ел тыныштығын сақтауда еш аянып қалмайды. 33 жылдық тарихы бар Ұлттық ұланның атқарған қырағылықтары ел тарихында мәңгі жазылады”, – деп атап өтті әскери бөлім командирінің тәрбие және әлеуметтік құқықтық жұмыстар жөніндегі орынбасары подполковник Сараубеков Ескендір.
Аталмыш, іс-шара барысында, патриоттық әндер шырқалып, әскери қызметкерлерге көтеріңкі көңіл күй сыйлады.
Сондай-ақ әскери қызметшілерге Қазақстан Республикасы Ұлттық ұланының тарихы туралы ақпараттық бейнеролик көрсетілді.