Қазақстан Республикасы Көлік министрлігі ертеңнен бастап Қазақстанның әуе тасымалдары нарығына Түркияның SunExpress әуе компаниясы қосылатынын хабарлады.
Әуе компаниясы Алматы – Измир бағыты бойынша тікелей тұрақты жолаушылар рейсін ұйымдастыратын болады.
«Рейстер аптасына 2 рет (сейсенбі, жұма) Boeing 737 типті әуе кемелерімен жүзеге асырылады. Қазақстан мен Түркия арасындағы әуе қатынасының ашылуы елдер арасындағы сауда-экономикалық, іскерлік, инвестициялық, туристік және мәдени ынтымақтастықты одан әрі дамытуға ықпал етеді», – деп хабарлайды министрліктің баспасөз қызметі.