Қостанайда «ТАЗА Бейсенбі» экологиялық акциясы аясында Тобол өзенінің жағалауы тазартылды. Игі іске 40-қа жуық адам атсалысты.
Аталмыш игі іс-шараға атсалысқандар қатарында «AMANAT» партиясы Қостанай облыстық филиалының төрағасы Алмат Досмұхамедов, партия белсенділері, Жастар Рухы ЖҚ және Қостанай жоғары Педагогикалық колледж студенттері белсене атсалысты.
Акция барысында қатысушылар өзен маңындағы қоқысты жинап, жағалаудағы тұрақты ретке келтірді. Алмат Досмұхамедовтың айтуынша, өткен жылы басталған «Таза Бейсенбі» бастамасы қала тұрғындарының экологиялық мәдениетін арттыруға және қоғамдық орындарды таза ұстауға оң ықпал етті.
– Бұл акцияға қатысушылар саны жыл сайын артып келеді. Қала тұрғындарының белсенділігі бізді қуантады және алдағы уақытта мұндай экологиялық шараларды тұрақты түрде өткізіп тұруға ынталандырады. Қаламыздың тазалығы – баршамыздың ортақ жауапкершілігіміз. Жалпы бүгін облыс бойынша әр ауданда партия белсенділері “Таза Қазақстан” акциясын өткізді. Нәтижесінде Қостанай өңірі бойынша бүгінгі күні 26 тонна қоқыс жиналды – деді облыстық партия төрағасы.
«Таза Бейсенбі» акциясы халық арасында кең қолдау тауып, экологиялық қозғалысқа айналып келеді.
Сералы МЫРЗАБАЙ
Алексей ТААХ
ҚӨУ студенті
Суреттерді ұсынған «AMANAT» партиясының баспасөз қызметі