Қостанай облысының балалары үшін жаңа жылдық таңғажайыптар жалғасып жатыр.Жаңа жыл қарсаңында Мемлекет басшысына хат жазған төрт бүлдіршін ҚР Президенті Қасым-Жомарт Тоқаевтан сыйлықтарын қолдарына алды.
«Тілектер шыршасы» акциясы балаларды шат-шадыман әсерге бөлеп қана қоймай, армандарына қанат бітіреді.
Рудный қаласының әкімі Виктор Николаевич Ионенко және Қостанай ауданының әкімі Берік Қуанышұлы Таңжарықов Мемлекет басшысының атынан барша балаларды құттықтап, олардың отбасыларымен кездесті.
Балалар өздерінің арман-мақсаттарын жеткізіп, болашақта кім болғысы келетіні туралы айтты.
Балаларға өздері армандаған сыйлықтар, Президент атынан мерекелік хаттар және тәтті сыйлықтар тарту етілді.
Балаларды алда таңғажайып күндерге толы Жаңа жылдық демалыстар күтеді.