Қазақстандық Санжар Тайжан сүйіктісіне Эйфель мұнарасы алаңында ұсыныс жасады. Сол жерде жүрген Франция президенті Эммануель Макрон жастардың қасына келген.
Сөз байласқан жастар президентке ерлі-зайыпты болу үшін ұсыныс жасағанын жеткізген. Ал мемлекет басшысы оларды құттықтап, қайдан келгенін сұрайды. Қазақстаннан екенін білгенде ҚР Президенті Қасым-Жомарт Тоқаевтың сыйға тартқан “тазы” тұқымы туралы айтқан.
“Қазір менің қазақстандық екі итім бар. Бүкіл ел бұған риза. Иттер өте әдемі. Мен сіздерді құттықтаймын”, – дейді Эммануель Макрон.
Б. НҰРМҰХАНОВ