Облыстың алты шекаралық бекетіне электрондық тұтыну жүйелерінің заңсыз әкелінуінің алдын алу үшін ақпараттық билбордтар орналастырылды.
Ол белгі қолданыстағы тыйымдар мен ҚР ҚК-нің 301-1-бабы бойынша жауапкершілік туралы түсіндіреді. Бұған дейін осы Ақбалшық, Обаған, Аят, Желкуар, Қондыбай және Қайрақ бекеттеріне профилактикалық іс-шаралар жүргізіліп келген.
Бұл бастама Президенттің тапсырмасын орындау аясында «Заң және тәртіп» тұжырымдамасына сәйкес қолға алынғанын айта кетейік. Оны облыстық Экономикалық тергеп-тексеру департаменті ҚР ҰҚК Шекара қызметі департаментімен бірлесіп, қазан айынан бері күшіне енген ведомствоаралық Меморандумға сәйкес ұйымдастырып отыр. Бұл шаралар бақылауды күшейтуге және вэйп өнімдерінің заңсыз айналымын төмендетуге бағытталған.