Қостанай облысында «Есіктен есікке» акциясы аясында «Әділет» партиясының өкілдері тұрғындармен кездесулерін жалғастырып, ашық диалог пен азаматтармен тікелей қарым-қатынасқа ерекше мән беріп келеді.
«Әділет» партиясы облыстық сайлауалды штабының мүшесі Тоты Айтмағамбетова партияның жастар қанатының өкілдерімен бірге мемлекеттік қызмет ардагері, «Құрмет» орденінің кавалері, Қостанай облысы және Сарыкөл ауданының құрметті азаматы Римма Гайсеноваға барды.
Кездесу ұрпақтар диалогының алаңына айналды. Партия өкілдері «Әділетті болашақ үшін» сайлауалды бағдарламасының жеті негізгі бағыты туралы айтып, әлеуметтік әділеттілік, адами капиталды дамыту, жастарды қолдау, білім, мәдениет мәселелерін, сондай-ақ азаматтардың ел өміріне белсенді атсалысуына жағдай жасау мәселелерін талқылады.
Қатысушылар ұрпақтар сабақтастығына, аға буынның кәсіби және өмірлік тәжірибесін сақтап, оны жастарға жеткізуге ерекше назар аударды.
«Жастар – елдің болашағы. Алайда өткенге құрметпен қарап, туған өлкенің дамуына өз еңбегімен үлес қосқан жандардың тәжірибесінсіз болашақты құру мүмкін емес. Осы тәжірибені бағалаңыздар, оқыңыздар, еңбек етіңіздер және ел тағдыры әр адамның жауапкершілігінен басталатынын әрдайым есте сақтаңыздар», – деді Римма Гайсенова.
Тоты Айтмағамбетованың айтуынша, мұндай кездесулер партияға бағдарламаның негізгі ережелерін таныстырып қана қоймай, азаматтардың пікірін, олардың күтетін нәтижелері мен ұсыныстарын тыңдауға мүмкіндік береді.
«Біз үшін партия бағдарламасы туралы айтып қана қою емес, өмірлік және кәсіби тәжірибесі мол адамдардың пікірін тыңдау да маңызды. Мұндай диалог жастарға өз өңірінің тарихын жақсырақ түсінуге, аға буынның білімін игеруге және болашақты бірге қалыптастыруға көмектеседі», – деп атап өтті Тоты Айтмағамбетова.
«Есіктен есікке» акциясы еліміздің барлық өңірінде өтіп жатыр және «Әділет» партиясының сайлаушылармен тікелей өзара байланысының негізгі құралдарының бірі болып саналады. Бүгінде партия мүшелері бүкіл ел бойынша 1 640,7 мың тұрғынмен кездесу өткізді.
Кездесу барысында азаматтар күнделікті өмірге, аумақтарды дамытуға және өңірлердің перспективаларына қатысты мәселелерді көтеріп, өз ұсыныстарын білдіреді. Ал өзара байланыс партия өкілдеріне сайлауалды жұмыс аясында қоғамның сұраныстарын жақсырақ ескеруге мүмкіндік береді.
Акция жалғасып жатыр. «Әділет» өкілдері қалалар мен аудандардың тұрғындарымен кездесулер өткізіп, қамту аясын кеңейтіп, ел дамуының басымдықтары жөнінде сайлаушылармен ашық диалогты жалғастырып жатыр.
Дайындаған:
«Әділет» партиясының баспасөз қызметі.
Төлем «Әділет» партиясы» ҚБ сайлау қорының қаражаты есебінен жүргізілді.
Тапсырыс беруші: Н.Т. Мыңжасаров.