Биыл Қостанай облысынан көрмеге бизнестің түрлі салаларынан өнімдерін ұсынуға 120 кәсіпкер барды
Көрмеге кәсіпкер Галина Шнайдер қатысып, “Иннопрома-2023″ерекшеліктері туралы айтты.
“Іс-шара деңгейі жылдан жылға артып келе жатқанын атап өтемін. Көрме кәсіпкерлердің кездесулерін өткізу және өнеркәсіптік және мәдени әлеуетті дамытудың тиімді құралдарының бірі ретінде шекара маңы ынтымақтастығы мәселелерін дамыту үшін тұрақты іскерлік алаңға айналды”, – деп атап өтті Галина Шнайдер.
Қостанай облысы әкімдігінің кәсіпкерлік және индустриялық инновациялық даму басқармасы басшысының орынбасары Раза Горянная “Иннопром-2023” аясында биыл Қостанай және Ресей кәсіпорындары арасындағы ынтымақтастық туралы төрт келісімге қол қойылғанын атап өтті. Бұл өңірлер арасындағы инвестициялық процестерді дамытуға мүмкіндік береді.
Қостанай облысы Кәсіпкерлер палатасының директоры Данияр Күзенбаев бұл іс – шара бизнес үшін өз мүмкіндіктері туралы мәлімдеуге және тәжірибесімен, инновациялық идеяларымен бөлісуге мүмкіндік беретініне сенімді.
Халықаралық көрменің өзекті тақырыптарының бірі өнеркәсіптегі жасанды интеллект болды.
“Иннопром” — Ресейдегі халықаралық өнеркәсіптік көрме, Екатеринбургте 2010 жылдан бастап жыл сайын өткізіліп келеді. 2011 жылдан бастап “Екатеринбург-Экспо” көрме кешенінің базасында өтті. 2012 жылы Ресей Үкіметі “Иннопром” көрмесіне федералды мәртебе берді.
