Қостанайда 6697 әскери бөлімінде Жазғы Президенттік көпсайыстан Орталық өңірлік қолбасшылығының чемпионаты өткізілді.
Жарысқа СҚО, Қарағанды, Ақмола және Қостанай облыстарынан келген әскери бөлімдерінің құрама командалары қатысты.
Жарыс барысында
-Макаров тапаншасынан ату (ПМ);
-қашықтыққа граната лақтыру;
– 50-100 метр қашықтыққа еркін стильде жүзу;
– 50-100 метр жүгіру;
– 1000-3000 метрге жүгіру сияқты спорт түрлерінен қатысушылар жоғары психологиялық ұстамдылық пен физикалық күйде жақсы дайындықтарын көрсетті.
Жарыс қорытындысы бойынша орындар келесідей бөлінді:
– жалпы командалық есепте I-орынды 6637 әскери бөлімінің құрама командасы (Петропавл қ.), II – орынды 6697 әскери бөлімінің құрама командасы (Қостанай қ.) иеленді, жүлделі III -орынды 5516 әскери бөлімінің құрама командасы (Теміртау қ.)
27 мамыр күні 6697 әскери бөлімінің саптық алаңында жарыстың салтанатты жабылуы іс-шарасы өтіп, жеңімпаздарға 6697 әскери бөлім командирі полковник Әбдіров Талғат Кәмілұлы “Орталық” өңірлік қолбасшылығының қолбасшысы генерал-майор С.Шекарбековтың атынан кубоктар мен мадақтама грамоталарымен табыстады.