Картинг – ұшқыр көлікті ептілікпен басқару әрі байқампаздықты талап ететін авто спорт түрі. Сағатына 220-250 шақырыммен жүйткей алатын басқару көліктерінінің түріне қарай жан-жақты кластарға бөлінеді. Еліміздің Қарағанды өңірінде қарқынды дамып, біздің аумаққа соңғы бес-он жылдың айналасында ене бастаған осы ұшқыр көліктердің республикалық сайысы жуырда Қостанайда өтті.
Оған Қарағанды өңірі мен облысымыздың Қостанай, Рудный, Лисаков қалаларынан жүзден астам спортшы қатысты. Олардың арасында еліміздің әйгілі Шумахері саналып жүрген қарағандылық Владимир Тен де болды. Володия аталған сайыс түрінен еліміздің бірнеше дүркін чемпионы, Азия біріншілігінің жеңімпазы. Айтулы додаларда еліміздің атынан ел намысын қорғап жүрген Қазақстан құрамасының жарық жұлдызы. Ол осы жолы «Союзный-А» класы бойынша тағы бір мәрте ел чемпионы атанды. Өңіріміздің үміт күттіретін спортшылармызыдың арасынан Никита Шаповалов пен Даниил Жилиевтердің есімдерін атап өтуге болады. Даниил осы жарысқа Рудный қаласының атынан қатысып, «Ракет» класс бойынша еліміздің күміс жүлдегері атанып отыр. Ол бұған дейін 2022 жылы да осы нәтижесін қаталаған. Оның алдында, яғни 2021 жылы еліміздің ең жас чемпионы ретінде өз есімін рекордтық көрсеткішпен тіркеген болатын. Никита болса, облыстық турнирде жүлде бермей жүрген жас өрен. Осы жолы жарыс кестесінде төртінші орынмен шектелді.
Бұл жарыста әртүрлі класс бойынша өткен сайыс түрлерінен қарағандылықтар рекордтық көрсеткішпен жеңімпаз атанды. Бізден жүлдеге іліккендердің барлығы Рудный қаласынан қатысты. Атап айтқанда, Владислав Новоселов («Пионер» класс бойынша екінші орын), Андрей Кузнецов («Пионер» класс үшінші орын), Дмитрий Шестаков («Союзный-Ю» класс үшінші орын), Денис Глазунов(«Союзный-А» класы бойынша үшінші орын), Даниил Жиляев(«Ракет» класс екінші орын), Вениамин Юргелис( «Ракет» класс үшінші орын), Максим Щеглов («Интер-А» класс екінші орын), Александр Ахмадуллин (Интер-А» класс үшінші орын).
Осы ойындардың арасында Войтович кубогы да ұйымдастырылды. Оған жергілікті ойыншылар ғана қатыстырылып, рудныйлықтар жеңімпаз атанды. Леонид Аглямов, Максим Щеглов, Максим Башков жүлдегерлер тізімінен көрінді.