Байқаудың іріктеу кезенінде 300-ден астам жас бақ сынады. Ақтық сында вокалдық жанрда 16-23 және 24-35 жас аралығындағы он үш қатысушы ән шырқаса, сегіз би тобы өнер көрсетті. Жүлде қоры ұлғайтылып, биыл 1,5 млн теңгені жарыс жеңімпаздары өзара бөлісті. Байқау қатысушыларына білікті мамандар қазылық етті.
Жарыс нәтижиесі бойынша би жанрынан алғашқы орынды Express Yourself би ұжымы жеңіп алды. Бұл би ұжымы 2012 жылы №9 мектеп базасында құрылған. Осы уақыт ішінде команданың құрамы бірнеше рет өзгерген. Десек те, би тобы шығармашылық дамуларын жалғастыра берді. Қазіргі уақытта би тобы “Crazy Dance” би студиясында жаттығып жүр. Би тобын қазылар ерекше бағалап, бірінші орынға лайық деп санады.
“Бұл іс-шара Қостанай қаласы әкімдігінің ішкі саясат бөлімінің қолдауымен өтті. Басты көздегеніміз, дарынды жастарға қолдау беріп, шығармашылық дамуына сеп болу. Жас таланттарға жол ашылып жатса біз үшін қуаныш. Осындай байқаулар арқылы жетістікке жетіп, танылғандар баршылық. Жыл санап байқауға қатысушылардың саны артып келеді. Біздің де күткеніміз осы. Жана таланттар қатарымызға қосылуда”, – дейді “Жаңа тыныс Mdi” жастар қоғамдық бірлестігінің төрағасы Жалғасбек Шөкенов.
Толығырақ газеттен оқи аласыздар.
Сералы МЫРЗАБАЙ
Суретті түсірген Ерасыл Талғатов