Қарабалық ауданында өткен ХХХVII облыстық спартакиада мәреге жетті.
Қостанай облысының басты спорт додасында 388 ұпаймен Қостанай қаласының командасы 1-орын иеленді. Облыс орталығы осымен он екінші рет жеңіс тұғырынан көрініп отыр. Ал 2-орын 384 ұпай жинаған Қостанай ауданы споршыларына бұйырды. Бұлар аудандар арасында жеңіске жетті. 3-орынды Рудный командасы қанжығаға байлады. 
Айта кетейік, биылғы облыстық спартакиаданың басты жаңалықтарының бірі — жаңа спорт түрлерімен толыға түсуі. Бағдарламаға алғаш рет велоспорт, көкпар, аударыспақ және асық ату енгізіліп, бұл спорт түрлерінен мына командалар жүлдегер атанды:
📌 Велоспорт:
1-орын — Қостанай қаласы
2-орын — Қостанай ауданы
3-орын — Б.Майлин ауданы
📌 Асық ату:
1-орын — Рудный қаласы
2-орын — Федоров ауданы
3-орын — Қостанай ауданы
📌 Аударыспақ:
1-орын — Қостанай ауданы
2-орын — Жангелдин ауданы
3-орын — Амангелді ауданы
📌 Көкпар:
1-орын — Қостанай ауданы
2-орын — Денисов ауданы
3-орын — Арқалық қаласы.