Арқалық қаласындағы облыстық қазақ жасөспірімдер театры өзінің бай репертуарын тағы бір тамаша тың туындымен толықтырды. Бұл жолғы қойылым өзінің жаңашылдығымен тәнті етті.
Ақын М. Шахановтың «Отырар» дастанының желісі бойынша сахналанған спектакльде алты ай бойы қалың қолымен қамалды ала алмаған Шағатай, жарты әлемді жаулаған Шыңғысханның ұлына өсиеті, қарияның даналығы сынды оқиғалар суреттелген.
Қойылым барысында қамалды жау шеңгелінен жанқиярлықпен қорғаған Қайырханныңерлігі, Шыңғысханның ақыл-парасаты, Қарашоқының сатқындығы көрерменді таңданыспен толғанысқа толы сырлы сезімге жетелейді.
Тарихи оқиға арқау етілген шығарма ел өткенімен қатар бүгінгі күннің мәселелерін де айқын бейнелегендей.
«Отырар» пластикалық трагедиясының қоюшы режиссеры: театрдың бас режиссеры -Ербол Абжалов.Биін қоюшы, белгілі өнер тарланы – Жалынбек Ахан.
“Құдай қаласа біз осы «Отырар» қойылымымен биылғы республикалық театрлар фестиваліне қатысуға бел буып отырмыз”, – дейді театр директоры Нұрлыбек Сапабекұлы.
Мұрат Жүнісұлы
Суреттерді түсірген автор
Арқалық қаласы