Қостанай қалалық Балалар және жасөспірімдер спорт мектебі “Бокс тарихы” деген жаңа айдарды қолға алды. Спорт тек жарыстар мен жеңістерден тұрмайды. Бұл тұста тарих, дәстүр, ұрпақтар сабақтастығы, мінездің беріктігі және рухтың ұлылығы асқақтауы шарт.
БЖСМ әлеметтік желілердегі парақшаларында “Бокс тарихы” атты жаңа айдарды жүргізуді бастап кетті.
“Бұл айдарда біз Қостанай боксының дамуына баға жетпес үлес қосқан, өңірімізді дәріптеген және өскелең ұрпақ үшін үлгі болған көрнекті спортшылар, жаттықтырушылар мен төрешілер туралы айтатын боламыз. Айдардың алғашқы қонағы, бірінші жариялым “IBA 3 жұлдызы” санатындағы халықаралық төреші Өзбек Казинге арналып отыр”, – дейді жоба жетекшілері.
Қостанай боксының тарихында спорт шежіресіне мәңгілікке жазылған есімдер бар. Аймақтағы осы спорт түрінің негізін қалаушылардың бірі – Қазақ КСР-нің алғашқы еңбек сіңірген жаттықтырушысы Вадим Павлович Гравицкий. Ол 1954 жылдан 1969 жылға дейін республикалық және бүкілодақтық жарыстарда Қостанай облысының атынан лайықты өнер көрсеткен талантты боксшылардың тұтас тобын тәрбиеледі. Олардың қатарында Серік Бушаев, Василий Лавриненко, Мырзабек Жоламанов, Антон Ким, Мурсал Тәжмакин, Виталий Левшин, Михаил Ли, Николай Горяинов, Есімхан Ысқақов, Әбдібек Нұркин, Еркен Әлиасқаров, Алексей Федоряк, Юрий Щербаков бар.
“Вадим Павловичтің тәрбиеленушілері білімдерін келесі ұрпаққа берді, бүгін біз осы сабақтастықтың үшінші толқынымыз”, – дейді халықаралық деңгейдегі судья ретіндегі қызметі Қостанай боксының жоғары мәртебесін сақтауға көмектескен Өзбек Казин.
Қостанай облысы қазақстандық және әлемдік бокс тарихына мәңгілікке енген есімдерімен танымал. Александр Мирошниченко – Сеулдегі ХХIV Олимпиада ойындарының бокстан қола жүлдегері және Мәскеудегі Әлем чемпионатының күміс жүлдегері. Эрик Хакимовтың есімі рингтегі табандылық пен бескасыз күрестің синониміне айналды, ал Олег Заболотский аймақтың спорттық шежіресінде маңызды із қалдырды. Бүгінде Қостанай бокс мектебінің дәстүрін жаңа чемпиондар жалғастыруда. Олардың ішінде Бексұлтан Қайратұлы, келешегі зор ауыр салмақтағы боксшы, Айдос Үсенов, ол Черногориядағы Әлем Кубогында медаль жеңіп алды, сондай-ақ халықаралық аренада әйелдер боксында өнер көрсетуші Надежда Рябец бар. Олардың жетістіктері – бұл жеке жеңістер ғана емес, Қостанай боксының дамып, жаңа биіктерді бағындырып келе жатқанының көрсеткіші.
Қостанай БЖСМ жазылушыларды айдарға атсалысуға шақырады. Қостанай боксымен байланысты қандай тұлғалар сізді қызықтырады? Өз пікірлеріңізді @boxing_qostanai парақшасына қалдыруға болады.
Сералы МЫРЗАБАЙ,
Жанбосын НОҒАЕВ
ҚӨУ студенті