Құрметті жерлестер! Ұлттық мереке – Республика күнімен шын жүректен құттықтауымды қабыл алыңыздар!
Осы ерекше әрі маңызы зор күні біз ұлтымыздың ең ұлы жетістіктерінің бірі – тәуелсіздігімізді зор мақтанышпен атап өтеміз! Тәуелсіздік – Қазақстан үшін бастау ғана емес, әрбіріміздің өміріміздегі жаңа беттер.
Бүгін біз Қазақстанды бүкіл әлем біледі деп нық сеніммен айта аламыз! Ол бейбітшілік пен тұрақтылықтың символына, мәдениеттер мен дәстүрлер тоғысқан елге, табыстарымен шабыттандыратын мемлекетке айналды. Халқымыздың қонақжайлылығы мен ұлы әрі дархан жеріміздің бай тарихы әлемнің түкпір-түкпірінен адамдарды қызықтырады. Бұл – біздің мақтанышымыз, біздің күшіміз!
Қазақстанның тәуелсіздігі бізге өзімізге жаңа көзқараспен қарауға, халқымыздың әлеуеті мен қуатын көруге мүмкіндік берді. Бүгінгі таңда Қазақстан – шикізат көзі болудан қалыптасқан экономикасы, дамып келе жатқан инфрақұрылымы және гүлденген кәсіпкерлігі бар заманауи мемлекетке айналды.
Бұл жетістіктердің барлығы Мемлекет басшысы Қасым-Жомарт Тоқаевтың мемлекеттік құрылысты нығайтуға, маңызды реформаларды жүзеге асыруға және өмірдің барлық саласын жаңғыртуға бағытталған саясатының арқасында мүмкін болды.
Біздің еліміздің басты құндылығы – біртұтас халық. «Еңбек адамы» – әркімнің еңбегін құрметтеу ұстанымының айқын көрінісі. Еліміздің дамуына өз еңбегімен үлес қосып жүрген фермерлерге, жұмысшыларға, инженерлерге, мұғалімдерге бас иеміз. Олардың күнделікті еңбегі – прогрестің қозғаушы күші. Мемлекет жетістіктері дәл осы еңбеккерлердің арқасында мүмкін болды. Костанай облысының еңбек адамдарына алғысымыз шексіз!
Біз өз халқымызбен, жетістіктерімізбен мақтанамыз. Біз алдағы күндерге нық сеніммен қараймыз! Қазақстанның болашағы жарқын әрі табысты боларына кәміл сенеміз. Біздің республикамыз – бірлік пен ынтымақтың символы.
Біз ұзақ жолдан өттік, әрқайсымыз осы ұлы істің бір бөлшегіне айналдық. Қиындықтарды бірге еңсердік, жеңістерді атап өттік. Әрқайсымыз еліміздің гүлденуіне өз үлесімізді қосудамыз. Ортақ мүдде жолында күш-жігерімізді біріктіре отырып, алға жылжиық.
Осы тамаша мерекемен әрқайсыңызды құттықтаймын! Баршаңызға зор денсаулық, бақыт және береке тілеймін! Отбасыларыңыздың жылуы жүректеріңізді жылытып, Қазақстанға деген сүйіспеншілік жаңа жетістіктерге шабыттандырсын!
Құрметпен — Қостанай облысының әкімі Құмар Ақсақалов