Құрметті қостанайлықтар!
Сіздерді қасиетті Құрбан айт мерекесімен құттықтаймын!
Бұл – барша мұсылман ізгі амал жасауға асығатын ұлық мереке. Айт күні тек қана құрбандық шалумен шектелмей, ағайын-туысқа, мұқтаж жандарға, жетімдерге қол ұшын созу дәстүрі қалыптасқан. Қайырымдылық пен қамқорлық қоғамның тұтастығына, ұлттар мен діндердің өзара ынтымақтастығына жол ашады.
Бірлігімізді бекемдеп, тұтастығымызды нығайтатын мерекеде шалған құрбандықтарыңыз, ізгі амалдарыңыз бен игі ниеттеріңіз қабыл болсын!
Әр шаңырақ шаттық пен бақытқа кенеліп, еліміз өркендей берсін.
Құрбан айт құтты болсын!