Халықаралық музейлер күніне орай Қостанай облыстық тарихи-өлкетану музейінде «Музей түні -2023» интерактивті акциясы өтеді.
Іс-шара барысында ұтылыссыз лотерея ойыны өткізіледі. Бас жүлде – Smart TV (32 дюйм, 81 см), сондай-ақ басқа да бағалы сыйлықтар бар. Соның ішінде Роза Рымбаева мен Валерий Меладзенің Қостанайда өтетін концерттеріне билеттер болады.
Мәдени-танымдық іс-шарада қостанайлықтарға түрлі бағдарламалар ұсынылады: қызықты көрмелер мен шеберлік сабақтары, шығармашылық квестер мен викториналар, музыкалық кештер және спортшылар өнері және т.б.
Көпшілікті «Түннен кейін әрқашан күн шығады!» атты көзді жұмып жүргізілетін экскурсия, Ақмола облыстық әдебиет және өнер музейі қорынан «Бурабай аңыздары» көркемсурет көрмесі, музей қорынан «Қолмен ұста» заттық көрмесі, «Тірі экзотика» шағын экзотариум, сәндік-қолданбалы өнер шеберлері бұйымдарының көрме-жәрмеңкесі, «Гүлдер көрмесі», «Бал дүкені» сынды қызықтар да күтеді.
«Балалар мен жасөспірімдерге арналған Baby time ойын-сауық бағдарламасы да ерекше болғалы тұр. Онда облыстық қуыршақ театрының артистері қуыршақтарды басқару және актерлік шеберлік жөнінде қызықты шеберлік сабағын өткізеді. Ұйымдастырушылар «Корольдік квестке» қатысатын жеткіншектерге ұмытылмас әсер сыйлауға уәде беріп отыр. Кеште кәсіби сиқыршының да өнерін тамашалауға болады.
Акция 18 мамыр күні сағат 16.00-ден 24.00-ге дейін Алтынсарин көшесі, 115 мекенжайында өтетін болады. Анықтама телефондары: 500-389, 501-023.
фото “Қостанай таңы” архивінен