Маңғыстау төрінде бес жеңімпаз мемлекеттік сыйлықтың иегері Светқали Нұржановтың қолынан жүлделерін алды.
І орынға – Iphone 15 PRO, II орынға Apple iPad 2022 және үшінші орынға үш бірдей Apple iPad 2021 табыс етілді.
“Сайыс өте тартысты өтті. Екінші кезеңге дұрыс жауабы 45-тен жоғары 47 оқушы жолдама алды. Оқушылардың деңгейі туралы тағы да жаза жатармыз. Өз басым өте риза болдым”, – байқауда қазылық еткен Қостанайдағы Л. Толстой кітапханасы қызметкері Абылай Мауданов.
«Qazaqstan Construction Holding ЖШС» директоры Нұралхан Әмірханұлы көпшілік алдында Светқали Нұржановқа шапан жауып, Қостанай облысында Светқали оқуларын өткізуді жоспарлап отырғанын жария етті.
“Мұндай үлкен шаруа біткенде «арқамнан жүк түсті» деуші еді еді ғой. Ал маған тура мағынасында да, ауыспалы мағынасында да жүгім ауырлап жатыр. Бейағаның туған жерінде Светқали оқуларын өткізуді жоспарлап отырмыз. Бас жүлде 1 000 000 теңге. Оның ережесі нақтыланып, жақын күндері жария етіледі”, – деді Нұралхан Әмірханұлы.
Демек, осындай іс-шара Рудный қаласында да өтпек.