«Мерейлі отбасы» байқауының облыстық кезеңінің жеңімпаздары, сондай-ақ «Дәстүрлі отбасы», «Салауатты отбасы», «Қайсар отбасы», «Өнерлі отбасы»номинациялары бойынша лауреаттар анықталды.
Байқаудың облыстық кезеңінің лауреаттарын марапаттау рәсімі салтанатты түрде тамыз айында өткізіліп, облыс әкімінің грамоталары мен сыйлықтары табысталатын болады.
“Биыл “Мерейлі отбасы” ұлттық конкурсының өңірлік кезеңіне қатысуға 95 өтінім келіп түсті. Конкурстың облыстық кезеңінің жеңімпазын таңдау комиссиясының отырысында 11 отбасы жеңімпаз деп танылды. Жүлде ретінде 1 млн теңге алатын «Мерейлі отбасы» ұлттық конкурсының облыстық кезеңінің жеңімпазымен қатар, алғаш рет «Дәстүрлі отбасы», «Салауатты отбасы», «Қайсар отбасы», «Өнерлі отбасы» номинацияларының иегерлері де анықталды. Марапаттау рәсімі тамыз айында салтанатты түрде өтетін болады”, – дейді бұл туралы облыс әкімінің орынбасары Ринат Мұхаметқали.
Сөйтіп іс-шараға облыстың түкпір-түкпірінен 11 отбасы шақырылды. Бұл отбасылардың әрқайсысы шығармашылық, спорт және отбасылық және ұлттық дәстүрлерді сақтау саласындағы бірегей жетістіктерімен ерекшеленеді.
Облыстық кезеңнің жеңімпазына 1 миллион теңгенің сертификаты табыс етіледі және олар ағымдағы жылдың қыркүйек айында Отбасы күні қарсаңында Астанада өтетін «Мерейлі отбасы» ұлттық байқауының лауреаттарын марапаттау рәсіміне қатысады.
Естеріңізге сала кетсек, «Мерейлі отбасы» Ұлттық байқауы адамгершілік құндылықтарды жаңғырту, отбасы мен некенің (ерлі-зайыптылардың) жағымды үлгісін дәріптеу және отбасы мәртебесін арттыруға бағытталған.
Конкурсқа отбасылар өзін-өзі ұсыну жолымен, сондай-ақ жергілікті атқарушы органдар мен заңды тұлғалардың ұсынуы бойынша қатысты.
Байқауға қатысуға мүшелерінің еңбекте, спортта, шығармашылық, зияткерлік, ғылыми жетістіктері бар, сондай-ақ қоғамдық пайдалы қызметке (волонтерлік, қайырымдылық, меценаттық, тәлімгерлік) қатысатын отбасылар жіберілді.
Байқауға Қостанай қаласынан екі үміткер іріктеліп алынды. Олар – Зарина Омарова мен Наталья Салатова. Рустам Шукуров Лисаков қаласынан қатысып отыр. Аманкелдіден Ботагөз Тұрғанова лайық деп танылды. Денисов ауданынан екі қатысушы бар. Бақытжамал Қадырбаева мен Галина Темірбаева үздік отбасылардың қатарында. Адила Мырзағалиева Жанкелдин ауданынан, Анара Атыбекова Қарабалық ауданынан, Әсемгүл Файзуллина Қостанай ауданынан, Тобыл Болатов Меңдіқара ауданынан, Гүлнар Хасенов Б.Майлин ауданынан тіркеліп отыр.