Биыл Қостанай облысының психологтар қауымдастығы Лисаков қаласы ішкі саясат бөлімінің тапсырысымен Қазақстандағы ұлтаралық және конфессияаралық келісімді нығайтуға бағытталған жобаны іске асырды.
Елдегі бейбітшілік пен келісімнің негізгі аспектілері туралы талқыланған дөңгелек үстел қоғам қайраткерлерінің, діни лидерлердің және ақсақалдар кеңесінің мүшелерінің қатысуымен өтті.
Қазақстан халқының бірлігі күніне арналған бұл күн педагог, ақын Александра Суслова жасаған рухани атмосфераға толы болды.
Александра Суслова қазақстандық бірегейлікті, адамгершілік пен Отанға деген сүйіспеншілікті қалыптастыруға баса назар аудара отырып, болашақ ұрпақтың руханилығы мен адамгершілігін тәрбиелеудің маңызды мәселелерін көтерді.
Оның сөзі тыңдаушыларды қоғамның рухани мәдениетін қалыптастыруға белсенді қатысуға шабыттандырған өмірден алынған мысалдар мен өлеңдерге толы болды.
Ол өмірде орын алған оқиғаларымен бөлісті, өлеңдерін оқыды, біздің таңғажайып еліміз туралы және бейбітшілікті, тұрақтылықты және тату көршілік қарым-қатынасты сақтаудың маңыздылығы туралы айтты.
«Менің Отаным болғаны үшін Қазақ еліне мың да бір рахмет. Мен тарихи Отаным – Ресеймен байланысымды жоғалтқан жоқпын: бұл менің тамырым, генетикам, мәдениетім. Бірақ мен өзімнің көпұлтты елде өмір сүріп жатқаныма мақтанамын және бұл туралы өз өлеңдерімде сүйіспеншілікпен жазамын», – деді ол.
Дөңгелек үстелге қатысушылар А.Суслова айтқан идеяларға қолдау білдіріп, елдегі бейбітшілік пен келісімді нығайтудың маңыздылығын тоқталды.
Діни лидерлер гуманистік құндылықтар негізінде ынтымақтастық пен өзара түсіністікке дайын екендіктерін білдірді, ал ақсақалдар кеңесінің мүшелері отбасы институтының маңыздылығын және Отан игілігі үшін ағарту мен адал еңбектің қажеттілігін атап өтті.
Қалалық ішкі саясат бөлімінің басшысы Г.Төлебаева ақсақалдар кеңесінің мүшелеріне С.Настенко, Л.Лескова, Б.Сұлтангериев, С.Құлшықбаев, қоғам қайраткері Қ.Төлебаевтарға «жемісті қоғамдық жұмысы және Лисаков қаласы мен Октябрь кентінің өміріне белсенді қатысқаны үшін» Алғыс хаттарын табыс етті.
Лисаков қаласы мен Октябрь кентінің тұрғындарының игілігі үшін тұрақты өзара іс-қимыл жасағаны және бірлескен ынтымақтастыққа дайындығы үшін діни бірлестіктердің басшылары О.Қалмақов, Я.Радон, Ю.Стригина, А.Кенжигаринов, Л.Платунова атап өтілді.
Мұнан кейін ақын Александра Суслова «АРАЙ-ХОЛДИНГ» ЖШС еңбек ұжымымен кездесу өткізіп, қатысушылардың барлығында терең ой салды. Қазақстан халқының қалыптасуының тарихи фактілерімен бөлісіп, тарихтың әрбір кезеңі туралы атап өтті.
Жергілікті тұрғындар келген босқындар мен қоныс аударушыларға өзара түсіністік пен мейірімділікті қолдай отырып, көмек көрсетті.
Бүгінде Қазақстанды бүгінгі күнге айналдырған тарихи мұраны есте сақтау және құрметтеу маңызды. Александра Сусловамен кездесу руханият пен Отанға деген сүйіспеншілік сабағы ғана емес, сонымен қатар біздің көпұлтты қоғамдағы әрбір адамның құндылығын еске салды.
«Ел бірлігі – біздің баға жетпес байлығымыз, елдігіміздің берік негізі. Отанымыз – Қазақстанды гүлдендіріп, тұрақтылық пен бейбітшілік мекеніне айналдыру үшін баршаңызға бейбіт күн, отбасыларыңызға амандық, шаңырақтарыңызға шаттық, құт-береке тілеймін!» – деп сөзін аяқтады ол.
Арсен Конкаев,
Бағдат Мұсабеков,
ҚӨУ студенттері.
Лисаков қаласы