Қостанайда «Жастар спорт лигаларын ұйымдастыру және өткізу» жобасы аясында «JasLiga» күзгі кубогінің жеңімпаздары анықталды. Екі күнге созылған спорттық бәсекеде қатысушылар шағын-футбол, баскетбол, волейболдан бақ сынасты. Жалпы жүлде қоры – 3 млн теңге.
«Қостанай» спорттық-ойын-сауық кешенінде «JasLiga» жастар спорт лигаларының жеңімпаздарын марапаттау рәсімі өтті. Жарысқа Рудный, Федоров, Сарыкөл, Костанай , Әулиекөл аудандарының спортшылары қатысты. Спорт пен салауатты өмір салты жастар арасында трендке айналып бара жатыр. Мұның жарқын мысалы – осы іс-шара. Кубокке 13 шағын-футбол командалары, 10 волейбол және 5 баскетбол командалары қатысты. Әр командада қосалықы құраммен ойын көрсетті. Қатысушылардың саны шамамен 250-ден асады. Жас спортшылар үздік атануға барынша атсалысты.
«Іс-шара жастар арасында белсенді спорттық іс-шараларды ұйымдастыруға бағытталған, сондай-ақ салауатты өмір салтын сақтауға және жастарды спорттық атмосферада жақындастыруға ықпал етеді. «JasLiga» сияқты жастар спорт лигалары жас ұрпақ арасында физикалық белсенділік пен достықты дамытуда маңызды рөл атқарады. Шараға 16-34 жас аралығындағы спортышылар қатысты. Қатысушылар барынша топ жарып, үздік атануға тырысты», – дейді Қостанай облысы Жастар ресурстық орталығының Жастар бастамалары секторының басшысы Берік Нұрмұхамбетов.
Жақсы ойын көрсеткені үшін командалар мен ойыншылар әртүрлі номинация бойынша марапатталды. Олар дипломдармен және медальдарға ие болып, ақшалай сыйлықтар табыс етілді.
Жеңімпаздар:
Баскетбол (Ерлер):
- Федоров ауданы
- Hustle
- Әулиекөл ауданы
Жеке номинациялар:
– Үздік шабуылшы: Александр Романенко (Федоров ауданы)
– Үздік қорғаушы: Дастан Әуезхан (Әулиекөл ауданы)
– Үздік орталық: Александр Гончаров (Hustle)
– MVP: Сергей Емьяненков (Федоров ауданы)
Баскетбол (Әйелдер):
- Рудный шыршасы
- Extreme
- Ұзынкөл
Жеке номинациялар:
– Үздік шабуылшы: Қымбат Амантай (Extreme)
– Үздік қорғаушы: Виктория Исаева (Рудный)
– Үздік орталық: Ева Абизова (Ұзынкөл)
– MVP: Баян-Сұлу Әлменова (Рудный)
Шағын футбол:
- ТазаЖол
- Арлан
- Салават
Жеке номинациялар:
– Үздік шабуылшы: Константин Чеботарев (Салават)
– Үздік қорғаушы: Ораз Балғожин (Арлан)
– Үздік қақпашы: Глеб Коробейников (ТазаЖол)
– Үздік ойыншы: Әділ Жаналиев (Арлан)
Волейбол:
- Мүмкіндік
- Айсұлтан
- Бөрі
Жеке номинациялар:
– Үздік шабуылшы: Медет Шоқпутов (Бөрі)
– Үздік блокатор: Никита Ан (Айсұлтан)
– Үздік байланыстырушы: Ридченко Виктория (мүмкіндік)
– Үздік ойыншы: Павел Яковенко (мүмкіндік)
Әсел ҚИБАШ
Суреттерді түсірген Бағдат АХМЕТБЕКОВ