Облыстық Полиция департаменті мектептерді, колледждерді, жоғары оқу орындарының бітірушілерін бос орындар жәрмеңкесіне қатысуға шақырады. Онда әрбір қатысушыға полициядағы бос орындар туралы толығырақ білуге және жеке қарым-қатынас кезінде ҚР ІІМ Ішкі істер органдары мен оқу орындары туралы түсінік алуға мүмкіндік беріледі.
“Бос орындар жәрмеңкесін” өткізу кезінде оқушылар мен студенттерге криминалистердің, ЖҚАЖ қызметкерлерінің, кинологиялық бөлімшелердің демонстрациялық роликтері мен презентациялары көрсетіледі.
Жәрмеңке 2024 жылғы 30 қаңтарда Мирас мәдениет үйінде сағат 10:30 басталады. Өтетін мекенжайы Қостанай қ., Маяковский көшесі 119.