Мемлекет Басшысы Қасым – Жомарт Тоқаевтың бастамасымен бүкіл ел бойынша бұл бірінші ай емес өткізілетін «Таза Қазақстан» республикалық акциясы аясында бүгін Денисов ауданында да жаппай тазалау жұмыстары жүргізілді.
Денисов ауданының спортшылары ауданның спорт нысандарын абаттандыру бойынша челлендж жариялады. Туған өлкенің тазалығы үшін зиялы қауым өкілдерінен, жастардан бастап спорт жұртшылығына дейін бәрі алаңдайды.
Спорт нысандарын абаттандыру бойынша іс-шараларға жүзден астам спортшылар, жаттықтырушылар және дене шынықтыру және спорт мекемелерінің басқа да қызметкерлері қатысты. Мәселен, спорт алаңдары аумағында қоршауларды жинау, жөндеу, ағаштарды кесу, шөп шабу жұмыстары жүргізілді. Бастама Денисов ауданы әкімдігінің спорт бөлімі мен БЖСМ басшылығына тиесілі болды.
«Қазіргі уақытта Таза Қазақстан» қарқын алып, бұрын-соңды болмаған ауқымға ие болуда. Әрине, экоакция қалалар мен ауылдардың аумақтарын қоқыстардан тазартуға ғана емес, сонымен қатар азаматтардың өзін – өзі тануын арттыруға, олардың экологиялық білімі мен тәрбиесіне бағытталған, – дейді Денисов балалар мен жасөспірімдер спорт мектебінің жетекшісі Малюга Сергей Александрович. – Біз адамдарды далаға шығып, сенбіліктерге және басқа да экологиялық челлендждерге қатысуға көндірудің қажеті жоқ. Керемет ынта! Және бұл әрине қуантады!»
Бірнеше сағаттық жұмыс барысында акцияның алты жүз қатысушысы 11 спорт алаңында, сондай-ақ аудандық спартакиада өткізу жоспарланып отырған Тельман ауылдық округінің Антоновка ауылының стадионы мен хоккей кортында қоқыстарды жинай алды. Жалпы 4,5 тонна қоқыс пен құрғақ бұтақтар шығарылды.
Дене шынықтыру мұғалімдері оқушылармен бірге мектеп жанындағы шағын футбол, волейбол алаңдары мен жүгіру жолдарын ретке келтірді. Өз кезегінде БЖСМ қызметкерлері мен тәрбиеленушілері хоккей кортының аумағын жинау акциясына қатысты. Жазда футбол ойындары өтеді.
«Акция аясында бүгін біз Денисовка ауылының «Автомобилист» стадионындағы таңбаны жаңарттық, қоқысты алып тастадық, – деді Денисов ауданының спорт бөлімінің басшысы Наталья Владимировна Филатова. – 13 маусымнан бастап стадионда басқа аудандардың қатысуымен футболдан облыстық аймақтық жарыстар өтуде. Әдіскерлер, жаттықтырушылар экологиялық мәдениетті, салауатты өмір салтын қалыптастыру аудан спортшыларының жаңа буындарына маңызды екенін мысалмен көрсетеді».