Қостанай облысы әкімдігі мәдениет басқармасының, облыстық көркемөнерпаздардың халық шығармашылығы мен кинобейнеқор орталығының ұйымдастыруымен Рудный қаласында Ы.Алтынсариннің тұңғыш ашқан мектебінің 160 жылдығына арналған “Ыбырайдың тұңғыш жаққан шырағы ” атты “ Жас тұлпар ” облыстық оқушылар айтысы өтті.
Биыл кезінде Тың эпопеясы деп дәріптеген, солтүстік өңірде қазақ халқын азшылыққа ұшыратқан тың игеру науқанына жетпіс жыл толады.
Ғаббас Жұмабаев – ақын, аудармашы, журналист. 1924 жылы 5 мамырда Қостанай облысы, Меңдіқара ауданы, Ақсуат ауылында туған. “Большевиктік жол” (қазіргі “Қостанай таңы”) газетінде, «Жұлдыз», «Мәдениет және тұрмыс» журналдарында бөлім меңгерушісі, «Ара» журналында фельетонист, Қазақ КСР Министрлер Кеңесі жанындағы информация агенттігінде (ҚазТАГ) аудармашы болып қызмет атқарды. Қазақстан Жазушылар одағында да қызмет етті.
Әдебиет апталығының үшінші күні “Жырлайды жан жүрегім жақсылықты” поэзия кешімен жалғасты. Онда жыр әлеміне енді қанат қаққан жас қаламгерлер өздерінің тырнақалды туындылары мен еліміздің ақын-жазушыларының шығармаларынан үзінділер оқыды.
Денисов ауданында шығармашыл жастарды қолдауға арналған слет 13 жыл қатарынан өткізіліп келеді. Таланттарды қолдап-қолпаштауға арналған іс-шара карантин уақытында да тоқтаған емес.
Мұхарбек Жәкейұлы Торғай облысы Жангелдин ауданы Көкалат ауылында 1974 жылы 2 қазанда дүниеге келген. 1996 жылы Әл-Фараби атындағы Қазақ мемлекеттік ұлттық университетінің филология факультетін бітірген. Қорғаныс министрлігінің Баспасөз қызметінде аға офицер, бөлім бастығы, басқарма бастығы болып қызмет істеді. Әскери зейнеткер. Өлеңдері бірнеше ұжымдық жинақтарға енген. Республикалық басылымдарда жиі жарияланып тұрады.
