Әулиекөл ауданының әкімі Жансұлтан Тәукенов су тасқынына байланысты бірнеше ауылды аралап, ахуалды бақылауда ұстап отыр. Сондай елді мекендердің бірі – Көктал ауылы. Аудан әкімі жергілікті тұрғындармен және шаруа қожалықтарының басшыларымен кездесіп, су өткізгіш құбырлар мен су басу қаупі бар аумақтарды тексерді.
Күні кеше Көлқамыс ауылының 106 адамы Көкалат ауылының орталығына көшірілді. Тентексай ауылынан су басу қауіпінің алдын алу мақсатында 24 адам Тәуіш ауылына көшірілді
Бүгін үшінші күн қатарынан көктемгі су тасқынының төтенше жағдайларына байланысты арнайы келген Қостанай облысының әкімі Құмар Ақсақалов Арқалықтағы жедел штабта облыстық департамент басшыларының, қала және аудан әкімдерінің есептерін тыңдап, апатты жағдайларды жою, қалпына келтіру, сақтық шаралары бойынша нақты тапсырмалар берді.
Қостанай облысының әкімі Құмар Ақсақалов төтенше жағдай режимі жарияланған өңірлердегі су тасқынына қарсы іс-шаралар жөнінде Арқалық қаласында жедел штаб отырысын өткізді.
Соңғы мәлімет бойынша, судың деңгейі 20 сантиметрге дейін түскен. Соған қарамастан, аудандық төтенше жағдайлар бөлімі, жергілікті атқарушы орган, жедел штаб жұмысты одан әрі жалғастырып жатыр.
Қостанай облысының әкімі Құмар Ақасақаловтың басшылығымен облыстың оңтүстік өңірлерінде су тасқынның екінші толқынына әзірлік шаралары басталып кетті.
Жітіқара ауданында жыл басынан бері су тасқыны кезеңіне дайындық шаралары өткізіліп келеді. Бүгінгі күнге дейін ұзындығы 10 км болатын арық тазартылды. 25 мың текше метрден астам қар шығарылды.
Қызылсудың жайылғаны Науырзым ауданынының Мереке ауылында да байқалып отыр. Бұл жағдайға қатысты аудан әкімі Мәди Ихтиляпов түсінік берді.
Бұл жерге Жылдам қимылдайтын арнайы жасағы, арнайы және жұмылдыру дайындығы басқармасының және жергілікті полиция қызметінің 40 қызметкері, 7 бірлік техника,оның ішінде жоғары өтімді 3 техника, 2 қайық жіберілді.
Жастар ресурстық орталықтарының еріктілері су тасқынынан зардап шеккен тұрғындарға көмектесуге келді. Арқалық жастары су кірген үйлерді қардан тазарту жұмыстарын жүргізіп жатыр.
