Байтұрсынұлы ауылын эвакуациялауға таң сәріде ел тізгінін ұстаған азаматтар атанған болатын.

Төрт тәуліктен бері облыстың оңтүстігінде су тасқынынан алапат апат төніп, бүтіндей ауылдар су астында қалып жатыр. Бүгінде Аманкелді ауданының орталығынан бөлек, Байғабыл, Үрпек, Ақкісі ауылдарының адамдары эвакуацияланғаны туралы айтылды.

Бұған дейін Жанкелдин ауданының шалғай аумағында орналасқан А. Байтұрсынұлы ауылына су кіре бастағаны туралы хабар тараған еді.

Жанкелдин ауданы, А. Байтұрсынұлы ауылының тұрғындары қарғын судан қауіп төніп тұр деп дабыл қақты.

Бүгін Қостанай облысының әкімі Құмар Ақсақаловтың тапсырмасымен облыстық департаменттердің басшылары оңтүстік өңірлердегі су тасқынынан келген төтенше жағдайларға байланысты Арқалық қаласында ұзақты күн жұмыс істеді.

Төтенше жағдайларға байланысты Жастар Орталығының жанынан ашылған штаб зардап шеккен отбасыларға гуманитарлық көмек көрсетеді.

Аманкелді, Жанкелдин аудандарында электр қуаты істен шықты.

Қазір су тасқынының құрсауында қалған көптеген елді мекенмен байланыс ұстаудың мүмкін болмай кеткені туралы шағымдар әлеуметтік желілерде көп тарап кетті. Осы жағдайға байланысты тиісті органдар мәлімет берді.

Жанкелдин ауданының тасқын судан зардап шеккен ауылдарына жан-жақтан көмек келе бастады.