Әлеуметтік желіде Арқалық қаласы зиратында бұзақылар зиратқа залал келтірді деген видео тарады. Бейіт басында түсірілген бейнежазба авторы зираттарға қойылған ай белгілері ұрланғанын айтып, бұл әрекетті айыптаған.
Осыған қатысты “Қостанай таңы” тілшісіне Арқалық қаласы әкімдігінен түсінік берілді.
“Арқалық қалалық ПБ, жергілікті полиция бөлімінің басшысы Думан Байжумин мәлімдегендей, аталған видео таралған соң учаскелік полиция қызметкерлері металл қабылдайтын орындарды аралады. Алайда ол жерлерден бейіт басынан ұрлануы мүмкін деген металл бөлшектері табылмаған. Сондай-ақ бүгінге текті (02.10.2023 ж.) Арқалық қалалық ПБ-на жақындарының бейіті тоналғаны жайлы ешкімнен арыз түспеген. Десе де, әлеуметтік желіде таралған видеоның мән-жайын анықтау үшін 03.10.2023 ж. қылмыстық іс қозғалып, тиісті жұмыстар жүргізілетін болады”, – делінген хабарламада.
Бұл жағдай біздің де назарымызда болады.